كلمات بين السما والأرض Bein El Sama We El Ard

بين السما والارض داخل علي الربع قرن
علموني اسئ الظن قسموني لكذا فرض
اخر مشهد في العرض كان واقف يترجي الرب
كان حياته كرب في كرب منانش الا لو اڤورت
كان بيزيد عليه الأعراض كان بيدور وسط اغراب
علي احساس اتحرم منه بس دور وسط صراب
كان بيزيد عليه الأمراض اتصنف كذا اضطراب
كان علاجه يواجهه واجهه بس بإستعباط
يبص بستغراب ليه كل منه بيتهرب
كان جواه خراب وبراه واقف يتفرج
خبي الجد في هزار عشان بس يعرف يهرج
الأول كان من الشطار كبر ومش عارف يتخرج
كبر ولسه بيستغرب كبر ومش لاقي مخرج
احلامه كورة تنس تتلئف بين مضرب ومضرب
مكنتش عاوز اهرب مكنتش عاوز اشرب
اهو عرف كل حاجة خلاص مبقاش يستغرب
صاحب الكل بيبقي لوحده اقفل كل كتاب فتحته
شيل القضية خلاص فهم السكة مش بتاعته
ملقيش في الأرض مساحته كان كله عامله شماعته
يعلق عليه مشاكله اتهموه انه واخد حقه
كره نفسه كره شكله وقف كسر المرايا
كره يبقي لوحده عشان لوحده من البداية
اضعف من قلم رصاص ليه حاطينه في البرايه
قاعد مستني الخلاص عشان خلاص مفيش حكاية
وحده بلع كل السم كان يقول كابوسه حلم
قبل ما العشرين تتم كان فاكر نفسه جوا فيلم
كان ورا اصحابه بيلم بس ميحبش حد يساعده
لما كبر في السن فجأة لقي نفسه لوحده
فجأة قلبت دراما مشي عشان عنده كرامة
جواه عيل صغير بيقول متسبينيش يا ماما
مكنش في ارادة ومجاتلوش انفرادة
بس حاول وحاول لحد ما سمع صوت الصفارة
كان لازم يمشي كان لازم تبطلي تحسي
قلق في نص الليل عشان نايم مش متعشي
كان لازم يمشي وجوده اصلا عبق عليه
كان كل ما يمشي يرجع علشان بتناديه