كلمات ادهم الشرقاوي Adham El Sherkawi

منين أجيب ناس لمعنات الكلام يتلوه
شبه المؤيد إذا حفظ العلوم وتلوه
الحادثة اللي جرت على سبع شرقاوي
الاسم أدهم لكن النقب شرقاوي
مواله أهل البلد جيل بعد جيل غنوه
كان في البلد باش أغا حاكم لكن غدار
مسخر أهل البلد في زراعته ليل ونهار
اللي يخالفه يا ويله كان عذابه شديد
حاكم بأمره ومستعبد كبار وصغار

أدهم دخل مدرسة سنه كان ١٢
وتنه في المدرسة لما بلغ ١٨
وهو في السن ده جاله خبر عمه
على إنه مات والتلامذة جوله واتلموا
قالوله يا أدهم بتبكي والبكا ده ليه

قال تحرم الراحة طول ما الخونة دول عايشين
ويحرم النوم علينا وهما موجودين
أنا أدهم اللي هيخدم أهله وبلاده
أنا أدهم الحر أهلي كلهم حرين

راح في البلد قالهم يا ناس دلوني
اللي قتل عمي فين لطريقه وروني

وأما قالوله يا أدهم ليه قتلته ليه
قال وانتوا لما انقتل عمي عملتم إيه
حكموا عليه ينسجن وحده في زنزانة
قام انتنى وانفرد ما همه زنزانة
وقع حطانها وهرب والبحث جاري عليه

وتنه رايح على تيه البارود هزه
استقبلوه بالحرس حتى الطابور هزه
كراكون شرف معتبر مخصوص عشان الأدهم
الكل حياه ولا حدش هناك هزه

لبس ملابس خواجة وراح يقابلهم
عربي فرنساوي بكل لسان كلمهم
ولا حد منهم عرف إن اللي قابلهم
هو اللي مقصود عليه العين وهو أدهم

أدهم يا ناس كان جميل سبحان من صور
لبس قميص سندسي منقوش ومقور
في إيده شمعة ونوَّر للأعادي البيت
قالوله يا بنتي دلينا أدهم فين
قال ده أدهم جمعله من الرجال ألفين
وأنا بدي أشوفه ولو نقصت عيوني عين