كلمات عيدنا رصاص
سنين
قاعدين نتبخر بمبان
حلاوة العيد
طلقه فالراس يامان
دم كل شهيد
شالو حمدتي وبرهان
ماقادرين ندفن اي جثمان
الناس فالبيت قلوبم من الخوف مليانه
في كل حته ذخيره واصوات الدانه
ياربي انتا شايف وانتا البتسمعنا
مفروض يحمينا وهو بقتلنا
بالكاكي بخدعنا
دكاتره طلاب
مهندسين صنايعيه
بنموت كل يوم
ما اصلو نحنا الضحيه
سارقين حياتنا وبدفعونا الديه
جاهل شايل سلاح عساكر أميه
شايلين الهم
الماتو مننا كم
اعيادنا كلها غم
شوارع مليانه دم
بيوت مهجوره
والناس مقتوله
كلاب مسعوره
وضحت الصوره
مفروض يحمو البلد
والبلد بقت خراب
قذايف ارض جو
مابنشوف غير ضباب
كلهم بقولو الطرف التاني
ماداير انسحاب
يتمو البيوت
حتى الطفل شعرو شاب
لا مله ولا دين
تقتلو الناس صايمين
تعاملونا مساجين
حتى في الشهر الكريم
احنا قرفنا
دمرونا وقالو بينهم فتنه
بقينا نتحسر على مستقبل جيلنا
بحاربو فبعض
واولادنا كلهم شايفين الموت
بنفتش للسلام
ونحنا بنحارب بي الصوت
خلو بلدنا كوره
وكل زول داير شوط
بس الحساب لمن
كل زول يخش تابوت
عيدنا رصاص
ظلم في الناس
وكل يوم شهيد
ألم قاعد يزيد
الله معانا
مابنسانا
شايف الجانا
خانو الامانه
والخلاصه
شربنا كاسة
عيد حزين
عيديه رصاصه
الله معانا
مابنسانا
شايف الجانا
خانو الامانه
والخلاصه
شربنا كاسة
عيد حزين
عيديه رصاصه