كلمات يا شمعة

يا شمعة جرحي وجرحك جا بالنار واللي صاير بيك نا بيا صاير
غير انا واياك رانا في الاضرار دون الخلق جميع طحنا في سامر
أنت مالك روح مخدومة عقار وانا روحي كاينة بامر القادر
ما عندكش الباس تبكي لاتحبار ضرك جا في الخيط براني ظاهر
وانا ضري راه ساكن في الاضمار مشعال ام بريم في الكبدة عاشر
وقت نرى عينيك تتقوى الاضرار نتفكر حليلتتي نبقى حاير
يتشطن قلبي وتشعل فيه النار نبقى طول الليل سهران وحاير
واش من كيف معاك كي راني سهار نلقاك انت زاهية وانا زاقر
اخيار السهرة انتي وام سوار واحنايا لاباس مجمعنا زاهر........الخ