كلمات جواز الصالونات Gawaz El Salonat

أنا أه مبحبش
جواز الصالونات
بس العمر جرى بيا عدى وفات
انا ايوا عرفت
في حياتي بنات
بس أهو كله اتجوز
وبقوا مدامات
واحدة قريبة أمي من بعيد
حاجة تكسف ليها وليا اكيد
بس الاهل
مصممين
واهو يمكن يلاقونا لايقين
انا اه مبحبش
جواز الصالونات
بس العمر جرى بيا عدى وفات

ورحت اقابلها وعيني مش عايزة تيجي في عينها
عارف والله عاذرها أن العيب مش فيها
بس لما لمحت عنيها
وجيت سلمت عليها
حسيت في حاجة غريبة حصلت بيني و بينها

لقيتني عمال بقول لنفسي كلام
ليه مقابلتكيش أنا من زمان
لقيتني عمال بقول لنفسي كلام
ليه مقابلتكيش أنا من زمان
خادني كلامها
كده و وداني
حسيت ساعتها أنها علشاني

غيرت رأيي
في جواز الصالونات
والله بينفع
بس ساعات وساعات