كلمات المال السايب

لا تصلّح مرّة العايب
ولا تبقوا فمرّة نسايب
ولا حتّى تشاركه ف لُقمة
إزاي هتآمنه ياخايب

ماتقولش أصلنا وحبايب
صدّقني المال السايب
بيعلّم ناس السرقة
وتعيش تدفع فضرايب

لا تصاحب الندل ولا تقرّب
لو تحت البيت منّه إتهرّب
منقوع ف الغدر ومتشرّب
ليه غاويين على روحنا نغلّس

لا تلوم فخسيس ولا فيه تراضي
ولا حتّى تفكّره بالماضي

ولا شيك ليك يبقى عليه ماضي
إذا كان ف الأخلاق ومفلّس

خلّينا كدا ف المتداري
وعلى شمعتنا نداري
كلّه باصصلنا ف الضحكة
ولا حدّ بدمعنا داري

بتقولوا معناش ومعاكوا
أومال ليه قطعنا معاكوا
شكلكوا بتحبّوا الإسود
أتاريه بقى لون نواياكوا