كلمات نار وشرار

استرسل الهاجس وطالت ليلته والنوم طار
تقول كن الحرف وصاني على الليل اسهره
شاعر وحذفات الليالي من يمين ومن يسار
لو خاطري مكسور ما علمت باللي يكسره
ساعي ورى الايام لا منصب ولا تاجر عقار
لكن ليا حان الوعد دورت للعز ادوره
وان كان ما علويت فالقمة علو دون انحدار
عقبني الفنجال و العلم الكفو و المبخرة

ولا المواضيع البسيطة يقضي اللازم مرة
الكفو اجيبه فالصدر واللاش يقعد في شهار
واللي يدور الاحتقار من المخاليق احقره
في عيني الدنيا مسافة رحلة و رد اعتبار
يا رب يا قادر تقدرني على اللي ما اقدره
مهما تسلل صوب صدري من شعور الانكسار
يستقبله صبري و يستقوي عليه و يقهره
دام الجبل عالي وفي راسه مواكر للحرار
هو خابر ان للريح صلفاقة و للصبر اثمرة
ناقوس فكري دق في جوفي و صدرت القرار
لو ما ربحت امن الزمن ماعاد به شي اخسره

تقول كنه منرسم له بالقلم و المسطرة
من فوق نيسان بلاتنيوم ما يحب الانتظار
حديث صنع اخر موديلات السنه والمفخره
في عزمه الطاغي سطاوة هيبة وطعم انتصار
واليا عبر قبل المواتر ماحدن رد اخبره
و ان دارت الطارة يدور الفكر و انا يوم دار
وين الشعور اللي يفيض من المشاعر واشعره
سقته وانا من قبل م اسري فيه عساف المهار
وشلون ابرجع و الهقاوي كلها متبخترة
يحمل من وصوف الصقر لامن شلع ثم استدار
لفتت عيون و هدتن عجلة وفزة و انعرة
وجهت وجهه صوب ممدوح النبا راع البكار
الاصوك اللي لاطرا طاري الجمايل نذكره
ف الطرقة الطرقا جعلت اسليتره نار و شرار
ماهو موقفني سوا التفتيش ولا المقبرة
ولا على بوابة اصميدع معرب له وقار
لا جيت عنده شفت كل الناس عنده تشكره
في مجلسن فيه الرحابة والتراحيب الكبار
عند ابلجن في كفه المدة وف الوجه اسفرة
وليا نصاه امن العرب رجلن عليه الوقت جار
يقضي لزومه جعل يفداه البخيل و دفتره
عواض ابن غازي ابن موسم ومن روسن كبار
النادر اللي له فريد القاف ينساق اندره
من الاد ميزان الدواهي وقفته عز و عمار
لو كان واحد بس يبقى في عيوني ما اكثره
اسمه مثل شمس الضحى ماهو بالاسم المستعار
ركنن من اركان القبيلة يوم كلن يذخره
اذا ضرب يضرب على الكايد بقوة و اقتدار
واذا سمح قد قالو ان العفو عند المقدرة
من كثر ما ترهي يمينه في كبار وفي صغار
ماعاد خلا من فروض الطيب مقدار اشعرة
فيه القصايد باختصار وفيه من دون اختصار
وانا لو اصخر له بحور الشعر قلت المعذرة
ميزاني وفيه الشعر يشعر بعزه وإفتخار
ويدون التاريخ ذكره مثل قيس و عنتره