كلمات الشديد القوي
✍️ كلمات: محمد خلف العجيمي
🎼 ألحان: يزيد الخالد
يا بخيل العواطف
مارجيتك وصال
ساقني في غرامك
الشديد القوي
في زحام الخطاوي
ما اشوف الظلال
شفت هم المسافه
في عيون بدوي
قلبي اللي نسيته
لو ذبحته حلال
ما يبي لك جروح
ولا يبي لك كوي
ودمعي اللي نثرته
فوق خدك همال
وحرفي اللي يجيني
ما لويته لوي
الليالي خذتني
والعنا للرجال
الكبير يتلعثم
والصغير يعوي
كنت ابيها جنوب
وامطرتني شمال
غيمة الظيم هلي
ارتوي وارتوي
لو تطول السوالف
او يموت السؤال
ما تعثر حبيب
فيه طريقه سوي
في حياتي حقيقه
يحتضنها الخيال
بين ضحكة زمان
وبين طعنة خوي