كلمات بحكيلك عن الأيام
وبحكيلك عن الأيام
ما بين نفسي وبين روحي
وببعتلك بقلبي سلام
وآخر يومي قبل ما أنام
بنام متغطي بجروحي
وبكتبلك بعيني دموع
وبمسحهم أوام تاني
وبنكر لو في يوم موجوع
وأقول عادي ومش موضوع
حاجات ما بقتش هماني
وبقول يا ريتك، وبقول يا ريتني
وبإيه يا ريت كانت في يوم أصلاً فادتني؟
وبقول نسيتك، علشان نسيتني
وأحفظ كرامتي قصادي وقصاد ناس شافتني
ما عنديش نية واستعداد
أكمل في الفراق تاني
هنفضل طب لإمتى بعاد؟
وبتعشم يكون في ميعاد
أشوفك حتى لثواني
فراقك خد كتير مجهود
ويوم عن يوم ياخد مني
ونفسي في أي أي ردود
ولو كان الأمل موجود
هترجع إمتى؟ طمني
وبقول يا ريتك، وبقول يا ريتني
وبإيه يا ريت كانت في يوم أصلاً فادتني؟
وبقول نسيتك، علشان نسيتني
وأحفظ كرامتي قصادي وقصاد ناس شافتني
وبقول يا ريتك، وبقول يا ريتني
وبإيه يا ريت كانت في يوم أصلاً فادتني؟
وبقول نسيتك، علشان نسيتني
وأحفظ كرامتي قصادي وقصاد ناس شافتني