كلمات انتي الونس ( سلفيني عنيكي لحظة )
✍️ كلمات: هبة علي
🎼 ألحان: ليل المحمدي
سلفيني عنيكي لحظه
تشوفي نفسك من مكانى
روحي كانت ضايعه قبلك
بيكي ردت فيا تانى
شوفت فيكي ايدين بتبني
بفرحه طول الوقت فيا
حضن ليل ونهار بطيبه
وحب بيطبطب عليا
لامسه احساسي بحنانك
من سكوتى بتفهمينى
حلوه حتى ف عز زعلك
عايزه بردوا تفرحيني
انتى تحويشه سنيني
ف اللى جى وف اللى راح
انتى النجاح اللي بحقيقي
اللي بعده مفيش نجاح
انتى الونس
شريكتي فى الروح والنفس
احلي حاجه في عمري كله
وقلبي اللي انا بيه بحس
انتى الطريق
اول واخر كل شئ
قلبك ملهوش فالدنيا زي
لسه على الفطره وبرئ
لو عليا اديكي روحي
وبردوا مش هتكون كفايه
انتي دعوه دعاها قلبي
واستجابت فى النهاايه
صحبتي وبنتى وحبيبتي
اتوه واضيع لو عنى غيبتى
طول ما ايدك ماسكه ايدى
الباقي مش فارق معايا
انتى الوحيده فعز خوفي
اللي قدرتي تطمنينى
قويتينى فى عز ضعفي
كنتي دايما تسنديني
مش هقابل حد زيك
فى الحياه لو مهما اشوف
كان زمان ناقصني حاجه
وجيتي ليا تكمليني
انتى الونس
شريكتي فى الروح والنفس
احلي حاجه في عمري كله
وقلبي اللي انا بيه بحس
انتى الطريق
اول واخر كل شئ
قلبك ملهوش فالدنيا زي
لسه على الفطره وبرئ