كلمات الف مبروك والباقي بحياتك

الف مبروك والباقي بحياتك
باجر راح تسمعهن سويا
تبجي احبابك وتفرح شماتك
يزفونك واموت بفد مسيا

شوف شكد محبتك
اموت اني ويا زفتك
تغلى الروح بس اكثر غلاتك
وابقا المن اذا ما صرت اليا

تفرح لو تظل حزنان
متهني ولا جنك
ابد لتشيل همي بيوم
ادري الخلل مو يمك

زمن ما راد يجمعنا
لا ذنبك ولا ذنبي
تعبت وياك وبلحظات
اجا غيري واخذ تعبي

وامانا احجيها حجايا
ما قصرت ويايا
صبرت انتا عليا والزمن فاتك
وانا ما بيدي شي وافرك بيديا

يمك ذكريات هواي
يمك للزمن ضمهمن
وتخييلهن اني وياك
من تشتاكلي اشتمهن

ضحكتك اني احبهه هواي
ما احب الدمع لو سال
ما اريدك تظل حزنان
اضحك من امر على البال

ولو بجفاك ما مرتاح
اموت وبالي يمك راح
هو الخسر مثلك وبحلاتك
ما يشوفه الزمن غير الاذيا

اماني هواي عندي وياك
منهن ردت بس وحدا
اذكرني بيها بيوم
اذا مر عمرك وعدا

يل كتلك اني احبك موت
واحسك تجري وي دمي
طلب عندي اذا مرخوص
سمي ابنك مثل اسمي

من باسمه ينادونا
بايامي يذكرونك
رايد ذكرا حلوه ابقا بحياتك
ما اوصيك هايا اخر وصيا