كلمات انا الاهلى Ana El Ahly
أنا الأهلي اللي كان والحاضر
أنا الإسم اللي هز جبال
من الأول لحد الأخر
هيفضل مصنع الأبطال
أنا قد الحياة وتحدي
ولسه عندي قوة وعندي
أعدي ألف سد وأعدي
أقوم واطلع وأهد جبال
أنا الإسم اللي لف الدنيا
وماضي تيشيرت في اليابان
بطل عدى حدود أفريقيا
ولسه في قلبه حلم كمان
في ضهري ومن سنين قواني
قلوب إدت كتير علشاني
أنا الأهلي اللي صان العشرة
دهب مش قشرة ولا بهتان
بدايتي و كانت كده
بنيت في سنين كل ده
ولسه في أكتر من كده
سنين وهبنيها
أنا اللي هكمل كمان
في ضهري كتير من زمان
معايا جماهيري بتسند بيها
(أهلي، أهلي، أهلي)
أنا الأهلي اللي ربى وعلم
بكلمة حب مسموعة
وجيل من بعد جيل بيسلم
ورايته تملي مرفوعة
أنا النجم اللي فوق في العالي
أنا اللي مفيش إيدين واصلالي
أنا روح الفانلة الحمراء
وأنا الناس اللي عايشالي
أنا الأهلي اللي سابق دايما
ودايما سكتي قصادي
ومهما الدنيا بتعطلني
بوصل برده في معادي
لا قدرت يوم ظروف تحبطني
ولا صوت عالي بيسكتني
أنا صوتي اللي لف الدنيا
ولسه بيعلى وينادي
بدايتي و كانت كده
بنيت في سنين كل ده
ولسه في أكتر من كده
سنين وهبنيها
أنا اللي هكمل كمان
في ضهري كتير من زمان
معايا جماهيري بتسند بيها
بدايتي و كانت كده
بنيت في سنين كل ده
ولسه في أكتر من كده
كتير و هبنيها
أنا اللي هكمل كمان
في ضهري كتير من زمان
معايا جماهيري بتسند بيها
(أهلي، أهلي، أهلي،أهلي،أهلي)