كلمات يا غزة Ya Gaza

هي صامدة صابرة بتعافر علي الوجود
فيها غزة وفي غزة اتربوا الأسود
هي واثقة عارفة ان الحق مهما اختفي
الحق يوم هيرجع لو حتي اتنسي

والدليل علي حيطة ليها رسمة
كمان دليل في كل قلب جوة ليها بصمة
خليكي يا فلسطين دايما مبتسمة
عدت سنين والسنين مش هتخلينا ننسي

يا غزة مهما حاولوا وحاوطوكي بالسيوف
قريبة النهاية وجايين ليكي و هنشوف
يا غزة اوعي تبكي وتفتكري نسيوكي
يا غزة لا متقوليش صحابك باعوكي

انا مش هعيش كدا ويقتلني السكوت
انا فوق ترابك ياغالية اتمني
اموت اتهد بيتة و تحت بيتة الطفل ينادي
الأرض مش للكيان الأرض دي بلادي