كلمات عذب الأجناس لـ

يا حظّ من هو ماخذنك عن النّاس
يدري بغلاك وعن مشاعرك يدري
وأنا لك أفيّض شعوري والإحساس
لو الزّمان يمرّ والعمر يجري

أكفخ بجنحان الهوى كفخ جرناس
مطلع وصيده متجي عنه بدري
يا شعاه للهدّات والصّيد هوجاس
وإن هدّ ماشي دون هدّته يذري

يناحر الصّيده وينكس تنكّاس
وينثر غمام الرّيش في الجوّ نثري
دام الفرص تأتي بلا سابق قياس
خلّك لها متولّم ودوم حذري
خلّك لها متولّم ودوم حذري

خذ الهوى بالرّوف وأهتمّ بالسّاس
شيّد لفهم الودّ والحبّ جسري
قلبٍ تعلّق بالهوى يشكي الباس
مجبور يصبر عالمقادير جبري

يامن غلاتك خالطت جرّ الأنفاس
أحسّ بك ترقى وتنزل في صدري
يا أغلى من أصناف الجواهر والألماس
يا فوع وردٍ نادر وفوع زهري

في روضن يهبّه من النّود نسناس
ينفح شذا عطره على ضفاف نهري
عليك يحمّسني من الشّوق حمّاس
وأفرد جناحيني مع الشّوق وأسري

أسري على طاريك يا عذب الأجناس
وأخذ خبر طيفك وأوصّله خبري
أشلّ قدرك فوق لعيوني والرّاس
وغلاك واثقٍ به ولا يضيع هزري

في بعدك يراودني ألفين وسواس
وأروق في لقياك ويزين وطري
أشوف في شوفتك رفعه ونوماس
يا مجدي ونوماس عزّي وفخري

يا حظّ من هو ماخذنك عن النّاس
يدري بغلاك وعن مشاعرك يدري

اغنية عذب الأجناس – علي بن محمد
Ali Bin Mohammed – Atheb Al Ajnas

المزيد من أغاني علي بن محمد
حلم وطيف
جرعة أمل
عهود البدو
لا حول لا قوة
هذي حياتك