كلمات نظرة في عينيكي

ليه قافلة علي نفسك
قاعدة في حتة لوحدك
من شغلك لبيتك
ومن بيتك لشغلك
ليه عنيكي شايفة غيوم
ديه حتى السما زرقه
وان كان على الهموم
والله مش فارقة
ليه نخلي جروحنا
هي اللي تعيشنا
وليه نخلي قلوبنا
الحزن حابسها

في نظرة في عينيكي
بتقولي تعالي
طلعني من اللي انا فيه
انا ليك محتاجة
وان كان عليا
انا اشيلك في عينيا
لو سيبت اللي بينا
يبقي حرام عليا

انسي لثانية دماغك
وامشي ورا قلبك
ولا انتي مش عايزة الدنيا تضحكلك
ليه شايفة القلوب مقفولة ومسدودة
وازاي عايزة الهروب
وحابسة نفسك في اوضة
جروحنا بتقوينا والامنا بتدينا
الفرصة نتعلم
الحياة ديه جميلة

في نظرة في عينيكي
بتقولي تعالي
طلعني من اللي انا فيه
انا ليك محتاجة
وان كان عليا
انا اشيلك في عينيا
لو سيبت اللي بينا
يبقي حرام عليا

الفرحة و الحزن جوانا موجودين
بس علينا نختار
جوانا جنة و جوانا نار
واحنا في ايدينا القرار
واخيرا جيتي
هديتي و رضيتي
ده الفرحة في عينيكي
شايفها حواليا
وحياتي بيكي
اكيد حاجة تانيه
ورجوعك ليكي
احلى حاجة في الدنيا