كلمات بنت الجزيرة

شامخه راس المعزه بنت ابوها واجوديه
بالكرم ما فيه مثله و الوفاء ما احد بوفاه
احمد احمد حر مجنا م المواكير العليه
جدها سليمان قبله اسس المجد و بناه

اشرقت بنت الجزيره و انورت نجد العذيه
و القمر عنها تخفى و انكسف منها سناه
داليا بالحسن ايه حسنها ما فيه زيه
عذبه المنطوق و انقى م الصفاوه و النقاه

طيبها من طيب ابوها احمد سلومه نقيه
وارث عزمه و عزه سلم المجد اعتلاه
و جدها سليمان عمر بنيه صلبه قويه
مقترن بالخير اسمه سابق طيبه و عطاه

احتفت فيها الرياض من الدخل للعاذريه
في فرحها الكل هنى محتفل فيها و جاه
تكمل الفرحه مع اللي قدره ربي عطيه
جا محمد بن مساعد تبتدي معه الحياه

تبختري و تمايلي بين الصفوف السامريه
اتبعي خفق الدفوف و ارسمي الخطوه وراه
في عيونك كل زين و كل لطف و جاذبيه
من سمع لا ما يصدق لين ما عينه تراه

ادعوا ان الله يتمم فرحه الليله الهنيه
اذكروا اسم الله وسموا الحسد عنهم عماه