كلمات باسم الاله

قالوا العنود و قلت يا بخت الاشعار
انتي حبيبة قلب كل الاحبه
ما بعد شوفك شوف و انظارك انظار
وما بعد قلبك قلب نهوى و نحبة

بسم الالة و اقبلي صبح يبان
انتي الشروق وشمس نور الزماني
ياللي لبستي نجوم عقد و تيجان
ياللي بقدومك طابت احلى الاماني

انتي عروس الغيم ضحكاتك امزان
فوق البحور و فوق اعلى مكاني
مين العنود اللي لها الزين عنوان
هي البقى لو كان هالزين فاني

يا نجد لو مالك صدى صوت فالان
لاجل العنود اليوم صوتك اغاني
هل الفرح و القلب من سعدنا زان
و استبشري بقدوم عاشق لثاني

اليوم يومك ما على الارض الحان
الا وجاتك و انتي حلو المعاني
انتي غلا قلبه و عبدالله الان
يقول بان الله عطاك و عطاني

يا بنت سلمان السما عالي الشان
ومشاعل وصوف الفخر اسم ثاني
يا الواصلة بالمجد في كل الازمان
نسل الكرام ملبي كل عاني

يقول عبدالله بك القلب هيمان
وان ماوسع قلبه عنود المحاني
شوفي عيونه شايفك بيت واوطان
وشوفي يدينه جاب لك قلب ثاني