كلمات عليه العيون

سلامي وانـا عبر البحر فوق عبـاره
على واحد ما فيه بعده ولا قبـله
ذكرته وانا ابـادل ايديني على الـطاره
بدار خلا والخاطر اضيق من الدبـله
هاذي دار أبوه ودار جده وذي داره
سقى الله ليالي عنتر العبسي و عبـله
عليه العيون من اول الصيف مدراره
سحاب ترايع مقدمه وانتثر وبـله

الين التوى غضن الخزامى على الربـله
ضلوعي على ساعة مجيه ومسياره
تغني له العرضه وتضرب له الطبـله
وهو من سحاه يعود من نصف مشواره
وهل بيته تراقب مجـيه وترقب لـه
يخافون تلتـقطه من الجب سيـاره
على ما عطاه الله من الملح والقبـله
وانا ماني بواحد وقبل اسمه عبـاره
يسكر منافذ نادي الخيل واسطبـله
وأنا شاعر ما اختار حظه ولا اختـاره
سوات البشر يكتب لغيره ويكتب لـه

تجـيه العرب صاحين وتروح منهبـله
ابرجيه حتى يبلع الوادي أشجـاره
وتزيل الجبال وتشرق الشمس من قبله
وجودي لو اني بين يمناه ويساره
وجود بدوي حالوا القوم دون إبله
على الوجه الأبيض والنقا لعنبوا البـاره
ألا واهني من لف حبله على حبـله
تصد النفوس اللي من الشين نفـاره
مثل صدت الطيب عن الكلمه الخبله