كلمات ناس ما يسوون ( انا السويت )

انا السويت زين لناس ما يسوون
واعرف ما يغزر بس كلت بلكت
صغار ومن اسولف بيهم يكبرون
لذلك ما حجيت تعمدت اسكت

ظهرك لا تشده بوادم تفشل
وعشر شموع مو ياهو اليجي وتشعل
على جتافك بعد لتشيل ياهو الجان
مرات التواضع ينحسب عالذل

الما رادك ربح لتكول اريه وياي
ولا تعاشر بشر بجروحك يجمل
الاعوج يبقى اعوج كافي كون تتوب
خلص عمرك بوادم عوجه وتعدل

عيش بدنيتك عشره قطار وناس
ولا تهتم ابد لليصعد وينزل
مرات الوداع تشوفه رحمه يصير
من تترك بشرعشرتهم توسل

كثره بلا مواقف هاي دوخه راس
اكعد ويه روحك بيهم وغربل
الما يستاهلك ما يسوى يبقى وياك
منو اليسوى تعيش لاجله متعلعل

تداوي جروحهم بس من كلت مجروح
على جرحك اجتي الوادم تهلهل
بيك الصوج لا لتكول بيهم صوج
مرات الصدك من ينحجي يزعل