كلمات أم الشعور

جارتي أم فهمي جاتني وقالتلي
راحت السجل المدني تطلّع قيد عائلي
لقت إن جوزها متجوز رسمي
في السر اتنين عليها
أنا قلت لها: اتنيلي
إزاي يحصل وإزاي
يحصل وما تعرفيش؟
نصحتني أروح قلتلها:
هأ هأ هأ.. ما تخافيش
جوزي يبان جامد ومسيطر
بس ما يستجريش
قالت لي: ويعني أبو فهمي كان يستجري؟
أيام بتغيّر وتحيّر ياما بتورّي
يوم والتاني دماغي تجيب وتودّي
تلف تلف وترجع تاني تهدّي
قلت أروح وأطلع قيد،
هاخسر ايه يعني؟
مدام عفاف
كانت عارفة أنا عايزاه ليه
أدتني الورقة وقالت لي:
بيلعب باليه
وقريت، لفّت بيا الدنيا،
مقلب حراميه، تراخ
وجريت من الحارة على الشارع
وإلخ إلخ
أم فهمي قالت لي: معانا في الطابور
بس ولا يهمك ياختي
اللي خدته القرعة تاخده أم الشعور
اللي خدته القرعة القرعة تاخده أم الشعور
اللي خدته القرعة القرعة تاخده أم الشعور
اللي خدته القرعة القرعة - بس
أنا مش قرعة هو اللي أقرع
استحملته زمان ولا أجدع
حلّيت حكايته
وبقيت قشايته،
لما كان غرقان بيبلبع
إديته عمري وأيامي
بس طلع ماعندوش غالي
وأديني قاعدة بأندب حالي
تعملي إيه دلوقتي يا مايسة؟
مايسة حايسة
بسلامته لا يختار القرعة
لا يختار أم الشعور
مش هأقبل بعيونه الفارغة
ولا هارضي يحبني بالدور
وأنا حرمت خلاص وأهي توبة
إني أفكر ...
أعمل قيد!
قال قيد قال.. ده خازوق
اللي خدته القرعة.. تاخده أم الشعور..