كلمات لا يطق العرق

تركد لايطق العرق في راسك ونبلش فيك
ترا هذي نتاج افعالك اللي انت خابرها

كثير الهرج ماينفع ولايسمن ولا يغنيك
خلاص النفس قد عاشت من افعالك محاذرها

تبي هالحين اجي لك والتمس عذرك واشد ايديك
ياشين النعمه ان صارت بيد ماتقدرها

خذيتك من جفاف العمر واجحافه عشان ارضيك
ولا بانت عليك افعالي اصغرها مع اكبرها

يجف الريق واتساهل عطش قلبي عشان ارويك
واشوف اخطائك اللي شفتها واصد واطمرها

من اول كنت افز ان جاء على سمعي ذكر طاريك
لاني ماهقيت بيوم احاسيسي تحاقرها

وتبي هالحين تتساهل مع شعوري عشان اجيك
انا لو بعذرك قلي فعولك كيف ابعذرها

تبي نرجع مثل ماكان قلبي يوم اهو شاريك
بسيطه بس تخيلها وصورها وكبرها