كلمات واهيامه

واهيامه قلبي اللي من هوى
هام في حبك وجاب المستحيل
عاقد النيه صدوق لك نوى
والهوى غيرك فلا عمره يميل

يافديت اللي البشر بعده سوى
وكن عيني ما ترى غيره خليل
و لن ذوقي غير وفوق المستوى
يوم احب احب شي ما له مثيل

انت وجهك عافية وصوتك دوا
وقلبي رحالة وعيناك الدليل
قلب من الشوق ومن بعد النوى
شافك اوطانه ولك شد الرحيل

ياجميل الروح وصف ومحتوى
بالشكل والاسم والمعنى جميل
عين و خد و قد بالزين ارتوى
وروح وطلة وضحكة تبري العليل

مو حبيبي انت زادي و الهوى
وما اقول النادر انته والقليل
انت شي ما صار اصلا واستوى
في غلاه و في جماله المستحيل