كلمات مبسوطة Mabsuta

عامل كونكت لقلبي
وقلبه هو مش متاح
دوبني في شبر ميه
عشان سلمتله المفتاح

كان يسقيني الجراح
وانا بسقيه التفاح
عشمني في حبه ليا القاسي
وساعة الجد راح

كان قلبه اوفر سايز
بيسيع من الحبايب الف
افعاله هتجنني
خلى عقلي مني لف

لابغلطاته اعترف
ولا على دمه اتكسف
كل اما اقفش عليه واواجهه
ياخدني في الملف

مبسوطه مبسوطه
أنا من غيرك مبسوطه
مبسوطه مبسوطه
خلصت خلاص الحدوته

مبسوطه مبسوطه
أنا من غيرك مبسوطه
مبسوطه مبسوطه
خلصت خلاص الحدوته

كان قلبي برايفت ليه
وهو للجميع فري
كان فاكر قلبي كوره
وكل شويه بيلعب بيه

بعد اما ارتحت ليه
خدت اكبر مقلب فيه
غلطان يا قلبي
لو فكرت تاني تحن ليه

كان حبك صاله جيم
وشلت في الهموم أوزان
علاقتنا شبيهة لفيلم
كان ابيض واسود مش الوان

يعني اديك الامان
تديني بالباقي لبان
خلصت يا حبيبي ما بينا
خلاص مش هرجع زي زمان

مبسوطه مبسوطه
أنا من غيرك مبسوطه
مبسوطه مبسوطه
خلصت خلاص الحدوته

مبسوطه مبسوطه
أنا من غيرك مبسوطه
مبسوطه مبسوطه
خلصت خلاص الحدوته