كلمات الكيف شبكني

Hamo Elgalad its different

الكيف شبكني وهوا عقلي ونساني
وصاحب سوق سحبني كان هو شيطاني
علمني مشي العوج وفي سكتو رماني
خلاني أخسر بإيدي ناس ياما حباني
صحوني وقالوا لي دي سكة سودا ما مشيش
وأنا قلت سيبوني في حالي ما توجعونيش
أنا قلت أعمل إيه يا ناس أنا غيرها ما بيديش
وبقيت أتهرب منهم وأقول ما تصدعونيش

وشربت كيف علشان أنسى وأعرف يا خلق أعيش
صبيت دموعي في كاس وشربت برده يا ناس ما نسيتنيش
ظلموني أقرب حبايبي يا ناس ما برأونيش
وبإيه يفيد الدوا في مريض عايش بجهاز

ياما قال لي أبويا زمان كلام ما خدتش بيه
وبقول يا ريت يا زمان ترجع لورا بيه
قال يا ابني العمر بيتسرق اعمل لنفسك شيء
اختار صديقك يسندك قبل ما تمشي طريقك
احذر طريقك يحذرك مهما الليالي تضيق
احفظ لسانك يحفظك والناس تكبر بيك
وإن يوم وقعت في شدة ما تتصدمش علشان
لا خال ولا عم هيسأل فيك

دنيا سجن براح والكل فيه مساجين
والقاضي فيه القدر يحكم عليك لو مين
يجمع حبايب ببعض ويخليهم عاشقين
وناس بيبقى حكمهم فراق وجرح أليم

وحيد يا دنيا وحيد وما فيش في حياته جديد
صايم بقاله سنين مستني ليلة العيد
عديت حبايبي وقت الوجع لقيت سالب مليون
وأنا كنت أول حد جنبهم وقت الوجع بكون
هاين عليهم جرحي وأنا محدش عليا بيهون

وشربت كيف علشان أنسى وأعرف يا خلق أعيش
صبيت دموعي في كاس وشربت برده يا ناس ما نسيتنيش
ظلموني أقرب حبايبي يا ناس ما برأونيش
شاهد عليا أهل الهوى والحاكمين والناس
وقت اللزوم كنت السند وقت الوجع عكاز

Al Kif Al Kif