كلمات سماء المجد
البارق الي عن سما المجد ماغاب
لو أن شوفه عن ضيا العين غايب
لازال نوره ميمم كل محراب
وله مطلع وسط المعاليق ذايب
ياما تجدى بنور مشكاته أشناب
وياما روى نوه قلوب عطايب
كم من ديار عرقها شيب وشاب
أمست عقب نوه جنان ورحايب
لمدات دونه من المهانه عصايب
أضحى له بصدر المعزات مركاب
من مدة فاقت رشاح السحايب
مدات من أمسى غطا ستر وحجاب
لحره رماها الوقت وسط الغرايب
مدات من أضحى لذرا الطيب مرقاب
وأسمه أقترن بالخير حسب ونسايب
عود وخصه بالعطا منشي السحاب
وسبحان من ميزه بين النجايب
الله كساه من الورع جزل الثياب
وعطاه من زين الهبايب هبايب
وله طلة تذهب بجم النوايب
ساد و تسيد بالحلم ربع الأطياب
وروس الصعايب طوعنه غصايب
ألين مابلاده لها العز جلباب
ولرحمها ينسب ولود العجايب
بلاد على تاج البطولات تنساب
دره ولها قلوب الآوادم ندايب
دره صقلها العود عنوان الكتاب
البارق الي عقبنا المغاييب
الي مثيله ظهر الأحرار ماجاب
ومثله فلا بطن الأصيلات جايب
حيد وبه زانت إمارات الأنجاب
وأسمه نقشه الطيب والطيب شايب
زايد الخير ويرحمه رب الأرباب
وعساه للفردوس بين الصحايب