كلمات معذب الضيق

ريح الفخر هبّت وفاح أزرق الطّيب
من قصر يكرِم كلّ من جاه زائر
وعمّ الفرح يا أهل الكرم والمواجيب
كلّ البيوت وكلّ دربٍ وعاير

أهلاً هلا بمعذّب الضّيق تعذيب
من كثر ما شوفه يجيب البشاير
أحمد ولد سلطان نسل المعازيب
اللّي بفزعتهم تهون العساير

أقبلت قرمٍ عالي الشّان ومهيب
تقول ما كنّك على الأرض ساير
جعلك ذخر لأغلى وأعزّ المطاليب
وجعلك من الفرحة بها دوم طاير

مبروك لك يا راهي الجود والطّيب
ومقدارك أكبر من جميع الصّغاير
ياللّي إلّا من قلت: سمّ يخسى الذّيب
طالبك مطلوبة يلاقيه صاير

يا سهم لا منّه رِمي لازم يصيب
عزّ الله أنّك واحدٍ عن عشاير
عسى مكانك دوم بأعلى المراقيب
وتربح وأبد ما تعترضك الخساير

يا أمير ما تكفيك كثر التّراحيب
في هالمسا والله يعرف السّراير
كلٍ يبي يوصف سعادته ويجيب
وصفٍ أبد ما قيل مثله وحاير

العذر منّك كلّ الأشعار ماهيب
قدرك ولا هي قدر ما فالظّماير
من الفرح يا معذّب الضّيق تعذيب
وجه الكرم والمرجلة والبشاير

تفاصيل اغنية معذب الضيق
Mo’azib Al-Dayeq – Rashid Al-Fares & Abbas Ibrahim

المزيد من أغاني راشد الفارس