كلمات الاحساس نعمة
✍️ كلمات: عماد عبيد
🎼 ألحان: وليد عبدالعظيم
انا مش عايز منك حاجه
ابعد عنى وسيبنى فى حالى
انت فى عينى بقيت ولا حاجه
وبقيت عندى رخيص مش غالى
مهما تقول انا قلبى قفلته
عمرى ما هرجع ليك انا تانى
ما الدرس خلاص اتعلمته
ريح بالك وانسانى
اسمع بقا ده الاحساس نعمه
ولا انت بجد بقيت اعمى
بص وشوف اللى انت عملته
شوف بعدك ايه اللى جرالى
خليتنى عايش مش عارف
الخير والشر بقيت خايف
انا فى حياتى مشفتش زيك
انت خلاص كده بالنسبالى
عارف انا لو كنت مكانك
كنت بجد انا هبعد وامشى
كنت هعيش مكسوف من روحى
كنت لا يمكن اوريك وشى
انا بعتبرك ايام فاتوا
ماضى وعدا بكل اهاته
والله صحيح اللى اختشوا ماتوا
روح شوف واحد تانى بدالى