كلمات يوم ليلي

يوم ليلي هود وباتي
بالكرى ما هودت عيني

عفت نومي مع ملذاتي
شي في الوجدان يشجيني

قمت انوح اجر بصواتي
من عناء هم مخاويني

الفكر ماله مسافاتي
بالخيال يروح وييني

ومن جلد روحي وشيماتي
اتصبر والله ايعيني

بي من الخود الخونداتي
كاعب بزين يغريني

ان تبسم شفت داناتي
والبدر من خده يبيني

والعيون البابلياتي
اذبحتني في شراييني

نابت عوده شرغاتي
اهيف والخصر فتريني

الشعر متموج وعاتي
مثل لفح الموج يلفيني

اعشقه والحب لذاتي
لو معاناتي بتضنيني

له حياتي عمري وذاتي
في الحياه وباقي اسنيني