كلمات خطوات المطر

اشهد ان الخطوه اللي بالبشاير بشرت
وين ما تلفي لفت بخير كله و السرور
و الفجيره يوم شوفتك استهلت و امطرت
و امتلت من دهن عودك حتى وجنات الزهور

امي يا اجمل واغلى من لفتنا و احضرت
الله لا يحرمني من شوفك ومن هذا الحضور
كل فرحه قلب في مجرى شرايني جرت
كل بسمه ثغر في صدري وفي قلبي تدور

ما اقدر اوصفلك شعوري يوم طلتك اسفرت
والله ان الشعر كله يعجز بهذا الشعور
عن حنانك ما اقدر استغني لو الروح اكبرت
وبوجودك اشعر اني طفله تحتاج نور

امي كل كلمه تعبر عني مهما عبرت
ما وفت فرحي بشوفك يا فرح كل الصدور
لو عيونك تنظر الاحساس في قلبي قرت
اعذب واسعد قصايدنا على مر العصور