كلمات العيد وخلي
✍️ كلمات: مانع بن سعيد العتيبة
🎼 ألحان: ميحد حمد
طواري العيد تبدا لي ظهر خلي
الله يعين المولع الله يعينه
اعايد الناس والا كامل الدلي
اعايد الناس لكن عيني في عينه
يالذه العيد هلي بالحسن هلي
الشوق ناره تواقد بيني و بينه
عليه ثوب الغرام مزركش بتلي
وحجلينه اللي زهت من لبست يدينه
ايقونه الحسن هذا الكل فالكلي
والرقم الاول يعرفونه محبينه
عوده كساه الولي من نرجس وفلي
مخلوق من عطر والا العطر من زينه
لو مر بالورد الاحمر يوقف مهلي
يلي من الورد ماخذ لون خدينه
يجنن الناس في وصفه اذا طلي
واحنا مثل قيس صرنا له مجانينه
خلي خليلي يحط القلب ويشلي
عيدي وسعدي عساها تبطي سنينه
لو شاف زينه مطوع قايم مصلي
قام يتلفت وقلبه هوب فيدينه
طواري العيد تبدا لي ظهر خلي
الله يعين المولع الله يعينه
اعايد الناس والا كامل الدلي
اعايد الناس لكن عيني في عينه