كلمات أصلى وأنا قاعد Basaly Wana Qaaed

ولسه الصورة فى البرواز بتضحكلى من الماضى
وشايله ملامحك الهاديه تونسني اما اكون فاضي
صحيح الصحه ما عدتشي لكن حمده انا راضي

ترابزيني اشتكى مني مفيش غيره يسندني
ساعات بالليل بقوم قلقان اشوف النشره تخمدني
واقول فينك يا واد انت وتتريق على نومتي
واقولك لأ ده انا صاحي هروب من وحدتي في اوضتي

مفيش حاجه بتوجعني إلا الوحده من بعدك
لكني بَعدي عالتأمين عشان دكتور هناك شبهك
بيندهني كمان بابا بيسندني وبيساعد
ولما شكيتله من رجلي قاللي أصلي وانا قاعد

متقلقش على والدك انا عايزك هنا جمبي
وخلي الغيبه ما تطول واحشني يا ضنا قلبي
ولو عالوحده هتونس ما دام مكتوب هنتباعد
واما عن وجع رجلي خلاص بصلي وانا قاعد