كلمات زانت الدنيا
بك زانت الدنيا و جات التباشير
جيّتك يا محمد بها افراحنا غير
الليلة اللي جت بك أغلى الليالي
أحساسنا أكبر من جميع التعابير
فرحة أخوانك في قدومك كبيره
خليفة و فارس و معهم أميره
نورتو الدنيا على أبوك و أمك
اللي لهم بين البشر طيب سيره
يوم إن ربي راد بالفرحة و شاء
مبروك للقاسم و مبروك لـ إسراء
و مبروك لك .. لإنهم والدينك
اللي افرقو بالفعل من قبل الاسماء
يكفيك يامحمد فخر سيرة أهلك
و يكفيك عز أجدادك و طيبة أصلك
يتشابهون الناس و الناس واجد
إلا انت ماهو دايم انشوف مثلك
يارب يا محمد على مر الأيام
تكبر و نفرح لك بتحقيق الأحلام
ويّنولك ربي رضا والدينك
و يحفظكم الله لبعض طول الأعوام