كلمات هنخربها
كل حاجه وليها علاج
إلا عكننة المزاج
المزاج لو مش مزبوط
الدماغ تعمل ازعاج
كله بالتسخين بيلين
الا نشفان الايدين
الماتور عمره ما هيدور
من غير ما تحطله بنزين
طلع الفيزا واصرف اتدلع
الحياة لذيذة عيشها واتمتع
كفاية تحويش ياترى مين يعيش
عيش يومين حلوين قبل ماتودع
هنخربها ما نخربها
ماهي خربانه والسلك ضاربها
هنخربها ما نخربها
ونلم أيدينا ليه ونحسبها
هو اللي شال تحت البلاطة وهو ماشي
خد منها ايه ماكلنا هنسيبها
هنخربها ما نخربها
وننبسط على ايه هنكئبها
هنخربها ما نخربها
ماهي كده كده ١٠٠ جن راكبها
ما احنا اللي بنعمل الفلوس وبنشقى فيها
واحنا اللي بنتعب فيها ونجيبها
هنصرف مافي الجيب
واللي في نفسنا هنجيب
ومش هنشيل لبكره هم
وبكره في علم الغيب
عادي تصيب تخيب
كل شيء نصيب
اللي فات جفاف
واللي جاي ترطيب
ها نطير الحمام
ونروق ع الكلام
وزي ما تيجي تيجي
مش هانربط الحزام
حقنا في الانبساط
هناخده ولو قراط
النفسية عايزة
شوية اهتمام