كلمات اوڤر تايم OVER TIME

صحيت لقيتني هنا بسأل ايه ال جابني
مش فاكر غير طشاش وعايز اعرف ايه الي فاتني
عملت كتير لنفسي بس بسأل ايه الي فادني
العالم ده حقيقي ولا انا الي الوقت خدني

السكه طويله ولا انا الي جريت كتير
الناس دي جرافيك ولا انا الي عايش ع القديم
هو انا القشه ولا انا الغريق ولا انا غريب
مش شايف مستقبل ولا شايف مكان بعيد

ما بين الوقت والوهم
كل احلامنا في الوحل
دماغنا واخدانا سحل
ومفيش مجال نريح
تحس الدنيا شيفت
اوڤر تايم مبيخلصش
عايم بتجري ورا قرش
والبحر ساحبك تحت

في ناس مستنيه موتها
يادوبك بتجمع قوتها
عكس ناس تانيه مهتمه
تزود الي جوا بنوكها
احلامنا مبقتش لينا
في ناس تانيه بتملكها
لعننا في الي بيسوقها
مفيش لا راحه ولا هدنه

......
متكتف ما بين الوقت والشغف
الحلم والكابوس نفس الطريق للاسف

ولو طلبت تعيش هيعتبروها شغب
هتعيش في سجن اضيق م السجن الكبير للابد
مفيش  مجال للامل

فكرت  في الهروب
وقولت هدخل تانيه بتذكرة الخروج
لقيت اني مسحول لقيت اني محبوس
في نفس اليوم الي بيتكرر كل يوم
ده ديچافو وزي ما تقول وانا كسول

فا متكترش في الكلام
ولو لقيتني بضحك متزودش في الاحكام
بلاش تقول ده جيل مشافش ضغط واكتئاب
خليك انت في الحداد وسيبلي انا الحبال
الدايبه والوهم الكداب