كلمات چې رنګین ارمان باغي شو ارمانونه په مسکا شول

چې رنګین ارمان باغي شو، ارمانونه په مسکا شول
هجر جام د کوثر غواړي، هجرانونه په مسکا شول
چې رنګین ارمان باغي شو، ارمانونه په مسکا شول
بغاوت د سُرودنو ، دی تر عرش رسېدلی
د ښکلا زرزري کیف ته، ایمانونه په مسکا شول
چې رنګین ارمان باغي شو، ارمانونه په مسکا شول
چې نسیم د نورانیت ته ، ګلابونه ټول مسکي شول
د خیالونو زبیایي وه، ګمانونه په مسکا شول
چې رنګین ارمان باغي شو، ارمانونه په مسکا شول
د فطرت پر ویړه دړه، زرین توري ؤ لیکلي
ټول فکرونه حیرت وړي، وجدانونه په مسکا شو
چې رنګین ارمان باغي شو، ارمانونه په مسکا شول
له رنګونو یې ساز شوي، کائناتو ته رنګونه
د رنګونو پیوستون ته، اسمانونه په مسکا شول
چې رنګین ارمان باغي شو، ارمانونه په مسکا شول
د ښکلاوو کاروانونه، به خپلواک شي په دې چم کې
چې د عشق او حُسن راج ته، کنعانونه په مسکا شول
چې رنګین ارمان باغي شو، ارمانونه په مسکا شول