كلمات ألوا ألوا إحنا هنا

الو الو ..احنا هنا ..و نجحنا اهو ف المدرسه

الو الو ..احنا هنا.. و نجحنا اهو ف المدرسه

بارك لنا .. و هات لنا .. وياك هديه كويسه

الو الو الو .. احنا هنا

.....

احكى له ازاى احنا تعبنا .. و اخدنا ميه علا ميه

وقولى له كمان ازاى جبنا .. كل الدرجات النهائيه

.....

خدنا سؤالين ف الجغرافيا ..و جاوبنا عليهم بالعافيه

سين سؤال :

أين تقع ف الخارطه اوروبا؟

جيم جواب :

تبقا علا شمال كوبرى القبه

سين سؤال :

فين صحراء مصر الغربيه ؟

جيم جواب:

بعد الرست هاوس بشويه

و عرفنا كدا كدا من نفسنا .. من غير ما حد يقول لنا

.....

الو الو .. احنا هنا .. و نجحنا اهو ف المدرسه

بارك لنا .. و هات لنا .. وياك هديه كويسه

الو الو الو .. احنا هنا

.....

و الانجليزى

سيبك منه .. ما تسأليش ابدن ابدن عنه

ضعيفه جدن فيه ما اعرفش

غير بس آى لڤ يو ڤيرى متش

.....

و اما ف النحوى و ف الصرف

جاوبنا بالكلمه و بالحرف

سين سؤال :

هل تعرفى كان و اخواتها ؟

جيم جواب :

و اعرف حماتها آه و خالاتها

لها اخت اتجوزت و التانيه اتجهزت

لها اخت اتجوزت و التانيه اتجهزت

و الاخت التالته طلبوها اتعززت

لها اخت اتجوزت و التانيه اتجهزت

و الاخت التالته طلبوها اتعززت

.....

الو الو .. احنا هنا .. ونجحنا اهو ف المدرسه

بارك لنا .. وهات لنا .. وياك هديه كويسه

الو الو الو .. احنا هنـا