كلمات الرزق

الرزق مش لازم يكون في الفلوس
الرزق ساعات يبقى اكتر في نفوس
صافيه بتضحكلك وتاخدك من اديك
واقفه معاك ولو بعدت تسأل عليك

الرزق في صاحب جدع قوي واصيل
واقف فضهرك يسندك لو يوم تميل
من غير كلام ولا سؤال دايماً معاك
ومهما انت تبعد هو فاكراك ولا ينساك

الرزق في شوية كلام ما بين اصحاب
مواضيع قديمه تلاقيها طالعه من التراب
كلمه و كلمه تلاقي النفسيه غير
وفي غيابك كل كلامه عنك خير

الرزق في صاحب جدع قوي واصيل
واقف فضهرك يسندك لو يوم تميل
من غير كلام ولا سؤال دايماً معاك
ومهما انت تبعد هو فاكراك ولا ينساك

الرزق في شخص تحبه بدون اسباب
رزقك ورزقه تبقوا اخوات مش بس صحاب
اخوات سند حتى لو مش من امك وابوك
اخوات بجد .. هما دول اللي يحبوك

الرزق في صاحب جدع قوي واصيل
واقف فضهرك يسندك لو يوم تميل
من غير كلام ولا سؤال دايماً معاك
ومهما انت تبعد هو فاكراك ولا ينساك