كلمات الجرح الكام

‎وقت الخصام بنقول كلام ما بنقصدوش
‎دايماً فـ عِز النرفزه
‎الرد بيكون فيه اذىٰ
‎اعصابنا تفلِت ثانيتين ، نندم قصادهم بالسنين

‎كان فاضل ايه يوجع ساعتها ما قولناهوش..!؟
‎سوء فِهم يخلَص بـ اعتذار
‎بس احنا تقِلّنا العيار
‎دوّرنا شوفنا جروحنا فين ، و عليها قومنا مكمّلين

‎يا سلام يا حنين
‎ساعة ما قسينا الخوف كان فين..!؟
‎دا ماحدّش فكّر فـ التاني ولا قولنا حرام

‎يا غياب فيه ايه
‎مش قد الفُرقه بـ نبعِد ليه..!؟
‎هو المفروض نتعلّم بعد الجرح الكام..!؟
‎متلصّمين لا نسينا ولا طالعين سُلام
‎من ذكرياتنا بنتكسِف
‎فيه بينّا عُمر بيتقصِف
‎ما هو بُعدنا لو يتعِقِل ، كان حد فينا قدِر عليه

‎و ما سمّيناش على بَعض ليه وَقت السلام
‎ازاي فـ لحظه نهِدّها
‎و جروحنا مين هـ يسدّها..!؟
‎على حالنا لمّا هـ نتسإل ، تقدر تقولّي هـ نحكي ايه..!؟