كلمات متل النجوم

"عَم تِمرُق لَيالي
واعِي وَ ما بِقدَر نام
صاير بِشرُد لَحالي
و راسي بِالأفكار مِليان

عَن بُكرا شو ناطِرني
و عَن اللِّي قُلتو بَركي غَلَط
إِذا الأزرَق كان لابِقلي
و إِذا خَيّي بِفَحصو سَقَط

عِدّ النِّعَم مِتل النّجوم
بِتلاقيهُن وَين ما كان
و الهَمّ لَو صار غْيوم
الشَّمس بِتلمَع بِالأمان

أَفكار بِتجي و بِتروح
بتعمُل حالا بَريئَة
عَيّشِتني وَجَع و جروح
بعيدِة عَن الحَقيقَة

كِل يوم بِتطلّع بِالسَّما
بِفهَم الدِّنيي شو كِبيري
و بِتْكِل عايلِّي راسما
بتِصغر هُمومي الكِتيري

عِدّ النِّعَم مِتل النّجوم
بِتلاقيهُن وَين ما كان
و الهَمّ لَو صار غْيوم
الشَّمس بِتلمَع بِالأمان"