كلمات متضايق

متضايق

الكورس
متضايق من شو .. خبرني من شو
احكيلي و قلّلي .. ليش معصب و منرفز من شو
هدّي .. هدّي شوي .. العصبيّة خطيّ*2
و لا تنرفز عليّ .. و قلّلي من شان شو
طالع خلقك عم تتفشش .. شو صايرلك شو

المغنّي
متضايق من هالزمّور الماله طعمه منوب
بيب .. بيب .. بيب .. بيب .. طقّة ضهر و شوب
و قلناله يا بو سمرة .. لسه الإشارة حمرا
الكورس
و قلناله يا بو سمرة .. لسه الإشارة حمرا
المغنّي
فنجر عيونوا و قللي .. اشبك .. اشبك .. يوب

الكورس
هدّي .. هدّي شوي .. العصبيّة خطيّ*2
و لا تنرفز عليّ .. و قلّلي من شان شو
طالع خلقك عم تتفشش .. شو صايرلك شو

المغنّي
متضايق من الوضع الصحي .. القمامة كومات
حالتنا صارت عم توحي .. الحسّ اللي عنّا مات
و نحنا أصل الحضارة .. و عم نعمل باب الحارة
الكورس
و نحنا أهل الحضارة .. و عم نعمل باب الحارة
المغنّي
شو بتعمل .. اذا ما عم نفهم .. قلّلي .. دخلك هات
الكورس
هدّي .. هدّي شوي .. العصبيّة خطيّ*2
و لا تنرفز عليّ .. و قلّلي من شان شو
طالع خلقك عم تتفشش .. شو صايرلك شو
موسيقا
المغنّي
متضايق من هالبيّاع .. العندو ميكريفون
معلي لي صوت المذياع .. و صوتوا طوش الكون
أصابيع الببو يا خيار .. بندورة حمرا جنّار
الكورس
أصابيع الببو يا خيار .. بندورة حمرا جنّار
المغنّي
و أنا بيّاع الدراويش .. تعوا لعندي .. لهون
الكورس
هدّي .. هدّي شوي .. العصبيّة خطيّ*2
و لا تنرفز عليّ .. و قلّلي من شان شو
طالع خلقك عم تتفشش .. شو صايرلك شو
المغنّي
متضايق من اللي بيقضي حاجة عالحيط و مبسوط
و كأنّه عم يكتب ديباجه .. و حيطه خطوط .. خطوط
هادا قليل الترباية .. و بده رقّ بالعصاية
الكورس
هادا قليل الترباية .. و بده رقّ بالعصاية
المغنّي
حتّى يعرف تاني مرّة يعملها مظبوط
الكورس
هدّي .. هدّي شوي .. العصبيّة خطيّ*2
و لا تنرفز عليّ .. و قلّلي من شان شو
طالع خلقك عم تتفشش .. شو صايرلك شو