كلمات تعرف تيحا

تعرف تيحا!

انا حابب احكى الحكاية من غير ما اطول فيها
من سنة اولى دنيا لاخر سنة اعرف دينا
عين شايف الدنيا بيها عين يدوبك بتعدينا
هو انتا تعرف تيحا! معرفوش بس هحكيلك

اللى اعرفه عاش فوسط اهله عالاغلب مهمش
ولما كان يلوش كان موجود منهم محدش
حاول انه يطنش يقولو بياخد يقول مخدتش
لجل فرق السن بينه و بين اخواته ماتحطش

فاى خطة عانى من الوحدة لكنه بردو مكنِش
بدئها بشرب سجاير و ايه المشكلة انه يحشش
من اول ربع برشم ربع بس انا ههندل
ومحسش انه اتفتش مبروم على مبروم مفكش

دى سرعة التحول من دخان الى برشام
حسب هنا روحه اله لا و مجاش معاه الكلام
عشان يحافظ عالنجاح و يستمر فالابداع
الكثير من الكيمياء يمكن مرة الاقينى برتاح

فالdose على. الريق جرى .فلوس تترمى
ده بيفترى يروح يشترى مهما غلى
و بقا بيشتهى كان يتعرف فيستحى
يخسر شغله فينتهى فيختار انه يتلهى
يقول الاحسن انى اختفى

فاكتئب ضرب بودرة هبطل بكرة هدفع اجرة
العلاج فكترة زمالة بدورها فكل حياتى هاشورها
ابقى فرد يصونها جوا وجودها شيل الكلفة
من اول انا محمد مدمن لحد يا محمد شكرًا

الحياة برا صعبة فين صاحبك ١٠٠ طعنة
واخد صدمة لا اختبار لصبرك طب فصبرا
طب ليه النبرة ليه سايبلى جمرة محتاج لعمرة
مليش فالخمرا ولا فليلة حمرا منها لا مفر

خدعنى صاحبى باعنى ايه اللى استفاده يعنى
ليه الوقت ده تغيب واجبك كنت ترفع عنى
فضلت فترة طويلة مستنى ولا عذر ولا عطل فنى
ليه اختارت البعد عنى قولى يعم اسباب سمعنى

واتشفت بصورة كدة فواتيرى مش مشكلة
بس عارفة سبب لده انتى عارفة انا ليه هنا
انا حياتى قابلها رضا ابتلائاتى مكسبها عظة
ايمانى بالله مقلش يوم زاد كل ما اكون حاسبها

كان عندى ازمة ثقة فكل حاجة متعلقة
بعلاقتنا دى محبطة لازم فيها كبش فدا
لازم فيها صيدة اخر طريقها حيطة
ربنا يرحم امواتنا اية عدلى و عمرو زعيتر

مفيش شئ بيطول  ياما دقت عالراس طبول
اه مفيش بينا قبول بلاقى حظى بابه مقفول
يعم مش معقول و الوضع نفسه مش مقبول
بس السعى المبذول لا و ضخامة المجهود

لا يتناسبو اطلاقا مع كمان نفاذ الطاقة
فتندع و ارضاها اعمل خبطة استنى صداها
ايمانى بيضعف حبة بس ده ملهوش علاقة
النفوس بتكون سباقة و الارواح بتكون متساقة

فالنهاية مفيش شماعة مش هتيجى غير بدراعك
فيعم استحمل وجع ساعة ولا كل ساعة
الحقيقة بكل بشاعة اغلب البشر بياعة
جايين من المجاعة دول شبع من بعد جياعة