كلمات Kung Tfu

حلقولك يا لبنان وعلى الناعم
اي جهنم رح بتساع كل هالبهايم
هني نفسن بالاسماء وعم ينعادوا
والعرصة قال جديد طلع اخرى من اللي ماتوا.

الحلو الوسخ دايما بعده ورتة اوسخ
ما هو البابا هيك بيقول وهو أعلم
راعي اعمى بقوضة نومه فاتح مسلخ
والناطور تحت لحافه نايم يحلم.

جيب شريط فيق من سباته حنكش
شبه المجرم دغري بس سبيته حنكش؟
نار وكذب  قد ما صبيته ح نكش
يوما ما كل ملوكك يا العذاب

أتاري أتاري تاري بيمحوا وتاري ربعي ينسوا وأتاري ظلنا نصرخ بالويل يا ويل
أتاري أتاري كل شي اخدتوا حتى انتظاري قتلتوه اتاري باقي مشلش ما بزيح يا ريح.

منظومة دفاعك ما بتدافع
صواريخك شغالة بس ما نافع
جبهاتنا مخروقة ببطن جائع
كل سدود الدني ما بتوقف تفو

عتموا المشاعر والشوارع
بس هيئوا المخطط للمصانع
واستنفروا المجاهد عالمزارع
تياللي باقي إلنا كل ما يكبر يقطفوا

راحوا هربوا المصاري عالخزاين
وشيطنوا البلاغة بالشتايم
خافوا من زياراتنا بالعزايم
بنوظف كل متاح ان شا الله نفوتها كونغفو