كلمات حكايتك ليها سر

من يوم شافت عيني صورتَك
قلبي مال، واتشد ليك
بقى كل يوم بيجيب في سيرتَك
ليل نهار.. يسأل عليك

والقاني باسرح، وابتسم لك
رغم الغياب.. ويزيد هواك
وكإن روحي بتتقسم لك
بتعيش معايا.. وتدوب معاك

دايمًا حكايتَك ليها سر
من غيرُه مش هاقدر أعيش
وياك، وقلبي عليك مُصِر
إنك حبيبي.. ما تتنسيش

والسر فيها حبيبي.. إنت
مش قلب داب ازاي، وامتى
أنا دُبت فيك.. قرَّبني ليك
إحساسي بيك.. ما بينتهيش

على قد ما اتخيلت قُربك
على قد ما تعبت، وداريت
وف كل مَرَّة باداري حُبك
يبان عليَّا.. انا لو حكيت

والقاني باسرح، واعترف لك
على قلب دايب من زمان
إحساسي مهما هيتوصف لك
أكتر أكيد.. بكتير كمان