كلمات المعاد

المعاد
هي قالِت جايَّة إمتى .. ؟
لا أكِيد صدَّقنِي ؛ جايَّة ..
مِش هتمشِي - على الأقَل - اِلّا امّا هتسلِّم عليَّا !
لو وَرَاك أشغال يا سيدي اِتفضّل اِنت مع السلامَة ..
هىّ عارفَة اِن اِحنا دايمًا لينا آخِر فى المَلامة .

و اِحنا عُمْر الشوق ما خانّنا
إحنا كُلّ مكان ؛ مكانّنا
لينا صُورَة فى كُلّ شِبر و لينا قِصَّة فى كُل ضِحكَة
مِش هتقدَر يوم تسيبنِي
قلبَها اللى وَعَدنِي رَغم عيوبي برضُه
يعيش حابِبنِي

كات بتكرَه تمشِى جدًا لمّا نار الشّمس تِحمىَ ..
شوفها - قبل ما تمشي - وِصلِت ،
ولا لسّه الدُنيا زحمَة ..
طب قميصِي نضِيف ؟ و مَكوِي ؟
شكلِي حلو ؟
أعجبها لِسَّه ؟
تنسَىَ إيه ! مين دى اللى تِنسَىَ؟
تنسَىَ إيه ! مين دى اللى تِنسَىَ؟