كلمات صندوق زبالة Sandouq Zbala

صندوق زبالة
افهم وركز
علشان تميز
من غير قباحة
من غير سفاله

لو عشت عمرك
قاعد مركز
علشان تنضف
صندوق زبالة

كلور ويود
وكمان معطر
غسلته غسلة
بماء مقطر

ومهما تعمل
برضه استحالة
لازم هيفضل
صندوق زبالة

لاهييجى يوم
هيكون جنينة
ولو هتزرع
فيه ورد بلدى

ولا الحديد
ف يوم وليله
هيكون دهب
علشان مصدى

وفر تعبك
على حاجه بالة
امتى حية
بتكون غزالة

استنضف انت
من  السلالة
بلاش تجيب
صندوق زبالة

خليك فراشة
وسط الجناين
وبلاها عوصة
وبلاش تماين

اصل اللى جاهل
طعم النضافة
لو شافها مرة
هيقول خرافة

لو نضفوه
يزعل ويرجع
عايز يعيش
على طول مبقع

رابط دماغه
على الطوالة
مرتاح وهو
صندوق زبالة