كلمات بعدني طفلة

من كتاب "السّعادة شقاء " للكاتب إيلي مكرزل :

رح ضحك الحزن ...
بركي البكي بيقلب فرح
بركي بطيب اللي انجرح
والسعادة من دون إذن
بتسرق من العمر مرح
رح دغدغ الوجع نتفي
حتى إسمع صدى الضحكة
بركي مشاعر الأسى
شوي شوي بتختفي

يا قلبي الموجوع وحامل
حامل هموم كتيرة
جواتي طفلة بعدا
بعدا كتير صغيرة
بدا من الدني شوية
شوية فرح بكفيها
يا هالايام من عندك
انت الأمل عطيها

رح ضحك الفرح ...
بركي الضحك ما بغيب
بركي بصير من النصيب
والقلب اذا انجرح
بركي بعمرو ما بشيب
رح دغدغ الوجع نتفي
حتى إسمع صدى الضحكة
بركي مشاعر الأسى
شوي شوي بتختفي