كلمات بالوفا مجبور
✍️ كلمات: اسير الرياض
🎼 ألحان: حمد راشد الخضر
راعي المحبه بالوفا مجبور
اللي هويته عن عيوني غاب
مادري وش الاعذار والاسباب
والقلب عقبه عايش بناره
يسأل عليه يدور اخباره
اسهر اداري خاطري المكسور
راعي المحبه بالوفا مجبور
ان قلت أبسلا غيبته كذاب
القلب ما يرضى سواه احباب
شوقي لشوفه بانت اثاره
هم وسهر والروح محتاره
الدمع من عيني غدا منثور
راعي المحبه بالوفا مجبور
من غاب عني خاطري ما طاب
والناس حولي كلهم اغراب
يا من يعلمني وش اعذاره
واعرف خفايا البعد واسراره
واقول يا كل الغلا معذور
راعي المحبه بالوفا مجبور