كلمات الحيوانات Animal

سبحانك يا خلاق يا مصور الحيوان
خلقتهم من ماء أشكال على ألوان
اتأمل فى الغابات فيها كتير حيوانات أليفه على مفترسه
ولكل منهم صفات
زواحف وحيات ماشيه على أربعه
أنعام وطيور بطريق ماشى على رجلتين
وكتير من الحيوانات
ماشى على اربعه
آيات ومعجزات على قدرة المعين
وذكرهم القرآن فى آيات وأمثله
قصص الحيوان والطير
فيها عبره وموعظه
علشان نتأمل ونفهم الإعجاز والمعجزه

آدى الاسد ملك الغابه وادى اللى كلم سليمان(الهدهد)
وادى الحارس لأهل الكهف(الكلب) وادى النمل والنحل كمان
وادى الانعام وادى الباعوض وادى الذباب والعنكبوت
وادى الجراد وادى الغراب ودول تعابين وفيل وقرود
وادى الخيل والبغال والحمير والخنازير
وادى الديب فى صورة يوسف ودابة الارض والحوت
والعجل والسبع والضفدع
والضأن والسلوى والقمل
وأدى الفراشه
وأدى الجمال على دهرها شالت احمال

كل دول حيوانات ذكرهم القرأن
ولذكرهم فى آيات دلالات وعبره للانسان
سبحانك يا خلاق يا مصور الحيوان
خلقتهم من ماء أشكال على ألوان