كلمات یو به تر مرګه
یو به تر مرګه
ستا سر دې وي زما او زما سر ستا په څنگل کې
راځه چې يوه جوړه کړو جونگړه په ځنگل کې
یو به تر مرګه
چې جوړ کړو د سپوږمۍ د پلوشو ځنې ټالونه
جوټې چې نرمې نرمې راله راکړي نکهتونه
یو به تر مرګه
اغوستی مو د گل د رنگينۍ وي څادرونه
تر هغه وخته زانگو چې وخت ورک شي په زانگل کې
یو به تر مرګه
راځه چې يوه جوړه کړو جونگړه په ځنگل کې
جذبې چې د پرېشانه غوندې مينې کړو راجمع
یو به تر مرګه
دوه شوي زړونه يو کړو ترې پيدا کړو يوه شمع
ساز واخلي پتنگان چې شي راټول د سوز په طمع
ستا سر دې وي زما او زما سر ستا په څنگل کې
راځه چې يوه جوړه کړو جونگړه په ځنگل کې
یو به تر مرګه