كلمات ملاكم

كل مرة بقول الخير ومفيش خير
بيجي من الناس ديه ليه
كل ما اصحي واقول الي فات مات
وابدا اشد في طرف الخيط
ابص ولاقي مليش دور
والوقت بيجري و باصص فوق
وانا عنديش وقت لكل دول
وقفالي يا دنيا ليه في الزور
وانا كل ما اقول انا مين وانا مين
استنا الشمس الليلة تطول
عدي عليا شهور وسنين
وجريت فكرت اني علي وصول
جي في الاخر ابص لنفسي لقتني
لسه قدامي طبور
قلت اتكلم يمكن نوصل
قالوا مش فرقه ومهما تقول
كان نفسي اني ابقى ملاكم
عشان المكسب مش فاكر!
اتغاشم و ابقى انا الفايز
لكن
اتضح اني كنت اضعف مشارك
فاكرها سهلة و ع الماشي
لكن الدنيا ليها رأي عكسي
هي بتيجي بالسم بالسم لا تيجي بالقتال
كل يوم بحط جهد و الجهد دة يهد جبال
ساعات بحس اني توهت و فوقت ناسي الكلام
و اصحى على لؤم و غُشم قاصدين يموت الكلام
و انا نازل زي النيزك متقمص bombs
مافيش عقل بجنيه
مع ان بالحب بتمشي فل
معنديش صبر للصيد
كانت ظابطة بتحتجش التقل
كنت ابوظها بايدي
كان درس نفسي اشربه شرب
و اسهل من كدة مفيش
كان نفسي اني ابقى ملاكم
عشان المكسب مش فاكر!
اتغاشم و ابقى انا الفايز
لكن
اتضح اني كنت اضعف مشارك
فاكرها سهلة و ع الماشي
لكن الدنيا ليها رأي عكسي
بس هنقول اييه
تفوت الليلة في ليلة وانتي فين
خلصت مني الدنيا في جملتين
اتولدت مت في نص الليل
وكل مرة اقول المرة ديه
ياله يا دنيا يله اتغيري
عندي كتير ولسه فيه كتير
عندي اكتر ماللي  تتصوريه
في الاخر عارف ان الناتج هبقى فوق
كاريزما بالساهل بتكلم سامع هس
يا دنيا مش فارقة فداكي المجهود
وراها هوصل مهما اتحاوطت بالخوف
نفسي اني ابقى ملاكم
عشان المكسب مش فاكر!
اتغاشم و ابقى انا الفايز
لكن
اتضح اني كنت اضعف مشارك
فاكرها سهلة و ع الماشي
لكن الدنيا ليها رأي عكسي